P.M किसान १९ वा हप्ता ; २४ फेब्रुवारी २०२५ रोजी या दिवशी पी.एम किसानचे पैसे खात्यात होणार जमा...! हप्ता कसा चेक करायचा? वाचा सविस्तरपणे.

 P.M किसान १९ वा हप्ता ;

२४ फेब्रुवारी २०२५ रोजी या दिवशी पी.एम किसानचे पैसे खात्यात होणार जमा...! हप्ता कसा चेक करायचा? वाचा सविस्तरपणे.

माणदेश मैदान न्युज (कोळे- वाहिद आतार) :- 

       शेतकऱ्यांसाठी आनंदाची बातमी आहे. पंतप्रधान नरेंद्र मोदी यांच्या हस्ते उद्या म्हणजेच २४ फेब्रुवारी २०२५ रोजी पी.एम किसान सन्मान निधी योजनेच्या १९ व्या हप्त्याचे वितरण होणार आहे. हा कार्यक्रम बिहारमधील भागलपूर येथे आयोजित करण्यात आला आहे. दुपारी २ वाजनेच्या सुमरास हप्ता थेट शेतकऱ्यांच्या खात्यात जमा केला जाईल.महाराष्ट्रातील राज्यातील ९२.८९ लाख शेतकऱ्यांना मिळणार पैसे.कृषी विभागाच्या माहितीनुसार, राज्यातील ९२.८९ लाख शेतकरी कुटुंबांना १९ व्या हप्त्यांतर्गत एकूण १९६७ कोटींचे वाटप केले जाणार आहे. शेतकऱ्यांनी ई-केवायसी प्रक्रिया पूर्ण करण्याचे निर्देश कृषी विभागाकडून देण्यात आले आहेत, जेणेकरून हप्ता त्यांच्या खात्यात वेळेत जमा होईल.मुख्यमंत्री आणि कृषिमंत्री ऑनलाईन सहभागी होणाऱ्या कार्यक्रमासाठी मुख्यमंत्री देवेंद्र फडणवीस आणि कृषिमंत्री माणिकराव कोकाटे नागपूरहून व्हर्चुअली उपस्थित राहणार आहेत. 

        याशिवाय कृषी विभाग, महसूल विभाग, वन विभाग, ग्रामविकास विभाग तसेच कृषी विज्ञान केंद्र आणि शेतकरी उत्पादक कंपन्यांचे प्रतिनिधीही उपस्थित राहतील.

* पी.एम योजनेची वैशिष्ट्ये :- 

      १.पंतप्रधान किसान सन्मान निधी योजनेअंतर्गत शेतकऱ्यांना वर्षाला ६००० आर्थिक मदत दिली जाते.

२. ही रक्कम चार महिन्यांच्या अंतराने प्रत्येकी २००० अशा तीन हप्त्यांमध्ये वितरित केली जाते. 

३.२०१९ पासून सुरू झालेल्या या योजनेच्या आतापर्यंत १८ हप्त्यांचे वाटप पूर्ण झाले आहे, आणि आता १९ वा हप्ता लवकरच वितरित केला जाणार आहे.

* यापूर्वीचा हप्ता कुठे वितरित झाला होता ?

          १८ वा हप्ता वाशिममधील शेतकरी मेळाव्यात वितरित करण्यात आला होता. त्यावेळी संपूर्ण देशभरातील ९.४ कोटी शेतकऱ्यांना तब्बल २०००० कोटींची मदत त्यांच्या बँक खात्यात जमा करण्यात आली होती. महाराष्ट्रातील ९१००० शेतकऱ्यांना याचा लाभ मिळाला होता.

* शेतकऱ्यांनी हप्ता कसा तपासावा ? 

मग आता हप्ता कसा चेक करायचा ? हेच आपण जाऊन घेणार आहोत.

P.M किसान योजनेचा हप्ता मिळालाय की नाही, हे जाणून घेण्यासाठी खालील स्टेप्स फॉलो कराः pmkisan.gov.in या अधिकृत वेबसाइटला भेट द्या. होमपेजवरील 'Farmer Corner' वर क्लिक करा. 'Beneficiary Status' पर्याय निवडा. रजिस्ट्रेशन नंबर किंवा आधार क्रमांक टाका.

कॅप्चर कोड टाका आणि 'Get OTP' वर क्लिक करा. रजिस्टर्ड मोबाईल नंबरवर आलेला OTP टाका आणि सबमिट करा.

तुमच्या खात्यात हप्ता जमा झाला आहे की नाही, याचा तपशील पाहता येईल.

* पी.एम किसान चां हप्ता वाढणार का? सरकारचा काय निर्णय आहे ? 

       काही शेतकरी पीएम किसान योजनेच्या हप्त्याची रक्कम वाढवण्याची मागणी करत आहेत. मात्र, केंद्र सरकारने सध्या त्याबाबत  कोणताही ठोस निर्णय घेतलेला नाही. तसेच, पी.एम किसान आणि राज्य सरकारच्या नमो शेतकरी सन्मान निधी योजनेतील रक्कम एकत्र जमा केली जाणार नाही, असे सरकारने स्पष्ट केले आहे.